Töluverð óánægja er með nýtt fyrirkomulag sorphirðu í Þorlákshöfn. Í umræðuhópi íbúa á Facebook hafa margir lýst því að sorptunnur þeirra séu yfirfullar og illa lyktandi.
Sú nýbreytni var gerð í sveitarfélaginu Ölfusi í vor að hvert heimili fékk tunnu ætlaða undir plastflokkun, auk íláts undir lífrænan úrgang.
Almennt sorp er nú hirt á þriggja vikna fresti, en plast og pappi á sex vikna fresti. Áður var almennt sorp hirt aðra hverja viku og pappi mánaðarlega.