Sexfaldur lottópottur

Enginn var með allar tölurnar réttar í lottó-útdrætti vikunnar og verður fyrsti vinningur því sexfaldur í næstu viku. Þegar eru rúmar 46 milljónir í pottinum og stefnir hann í sextíu milljónir að viku liðinni.

Lottótölur kvöldsins eru: 5, 13, 15, 22 og 35. Bónustalan er 18.

Heppinn áskrifandi var einn með bónusvinninginn og hlýtur hann 569.280 kr.  Tveir voru með allar Jókertölurnar fimm í réttri röð og fær hvor 2 milljónir í vinning, en miðarnir voru keyptir í Prinsinum, Hraunbæ 121 í Reykjavík og N1, Háholti 11 í Mosfellsbæ. Jókertölurnar eru: 2, 4, 0, 5 og 7.

• Blogga um frétt