Götulokanir á Akureyri vegna tónleika

Í kvöld frá 20:30 til 00:30 verður nokkrum götum á Akureyri lokað vegna tónleika sem haldnir eru á Samkomuhússflötinni sem er neðan við leikhúsið. Meðal annars verður Drottningarbraut lokuð fyrir gegnumakstur frá Kaupvangsstræti að Leiruvegi.

Aftur á móti verður opin hjáleið fyrir þá sem þurfa að fara austur út úr bænum eftir Miðhúsabraut og niður að Drottningarbraut og þá leið að Leiruvegi. Lögreglan á Norðurlandi eystra greinir frá þessu á Facebook. Við lok tónleikanna verður haldin flugeldasýning.

Í dag var meðal annars keppt í brekkusprett á hjóli, en farið var upp Gilið. mbl.is/Skapti Hallgrímsson

Greta Salome spilaði á hátíðinni í gær. mbl.is/Skapti Hallgrímsson

Jafnfram biður lögreglan alla ökumenn að sýna gangandi umferð tillitsemi og þolinmæði, en búast má við margmenni við tónleikasvæðið í kvöld.

Á tónleikunum í kvöld koma meðal annars fram AmabAdama, 200.000 Naglbítar og Úlfur Úlfur.

• Blogga um frétt