Kertafleyting á Tjörninni í 33. sinn
Setja bókamerki
Hin árlega kertafleyting á Reykjavíkurtjörn fór fram í kvöld. Samstarfshópur friðarhreyfinga stóð fyrir viðburðinum sem var nú haldinn í 33. sinn.
Í ár eru 72 liðin frá því að kjarnorkusprengjum var varpað á borgirnar Hírósíma og Nagasakí í Japan.
Halla Gunnarsdóttir alþjóðastjórnmálafræðingur flutti ávarp og fundarstjóri var Stefán Pálsson sagnfræðingur. Flotkerti voru seld á staðnum.
Frá árinu 1985 hafa friðarsinnar fleytt kertum á Reykjavíkurtjörn til að minnast fórnarlamba kjarnorkuárásanna í Hírósíma og Nagasakí og árétta kröfuna um heim án kjarnorkuvopna, að því er kemur fram í tilkynningu.
„Nýverið komu 122 aðildarríki Sameinuðu þjóðanna sér saman um sáttmála um bann við þessum skelfilegu vopnum. Krafa íslenskra kjarnorkuvopnaandstæðinga er sú að Ísland gerist aðili að þessu samkomulagi án tafar með því að skrifa undir sáttmálann,“ segir í tilkynningunni.
Kertafleytingin er hefð sem er uppruninn í Japan en athafnir af þessu tagi fara fram víða um heim.
Kertum var einnig fleytt á Akureyri, auk þess sem kertum var fleytt á Ísafirði.
Athöfnin á Akureyri fór fram við Minjasafnstjörnina þar sem Logi Einarsson, formaður Samfylkingarinnar, flutti ræðu.
Á Ísafirði ætlaði fólk að safnast saman í fjörunni við Neðstakaupstað þar sem halda átti stutta athöfn.
Mikilvægt að vera á tánum
Gerir ráð fyrir 150 samningum í næstu viku
Mun fara sparlega með málskotsréttinn
Myndskeið: Segjast hafa skotið niður sprengjuflugvél
Unnu að fullum heillindum að kaupum á TM
Spursmál: Fyrsta stóra viðtal Katrínar
Bjarkey stendur við skammarbréf Svandísar
Færa slökkviliðið til nútímans