Keppendur í hálfu og heilu maraþoni í Reykjavíkurmaraþoninu eru lagðir af stað í blíðskaparveðri. Yfir 14 þúsund þátttakendur eru skráðir til leiks, þar af um 4000 útlendingar frá 87 löndum.
Uppfært: Þátttakendur í 10 kílómetra hlaupi eru einnig lagðir af stað og það er vægast sagt góð stemning í hópnum eins og sjá má á meðfylgjandi myndum.
1.490 munu hlaupa heilt maraþon, 2.963 eru skráðir til leiks í hálfu maraþoni og 6.747 munu hlaupa tíu kílómetra. 1.835 taka þátt í skemmtiskokki og tæplega 1.200 í furðufatahlaupi Georgs.
Í dag er spáð 3-8 m/s og léttskýjuðu veðri á höfuðborgarsvæðinu. Hiti verður 11-16 stig. Það mun því viðra prýðilega á hlauparana sem taka þátt.
Áhugaverðir tenglar: