Lág tilboð í gatnagerð

Innkauparáð Reykjavíkurborgar hefur samþykkt að taka tilboði lægstbjóðanda, Gröfu og grjóts ehf., í 1. áfanga gatnagerðar og stofnlagna í Vogabyggð 2.

Tilboð Gröfu og grjóts var að upphæð krónur 178.985.000. Er tilboðið 63% af kostnaðaráætlun sem var 283,5 milljónir króna.

Önnur fyrirtæki sem buðu í verkið voru D. Ing-verk sem bauð 187,8 milljónir, Bjössi ehf. sem bauð 247,7 milljónir og Lóðaþjónustan ehf. sem bauð 298,3 milljónir. Vogabyggð 2 er nýtt hverfi sem mun rísa við Elliðaárvog.