Samtök andstæðinga stóriðju í Helguvík ætla að hefja fjársöfnun á Karolinafund til að standa undir kostnaði við fyrirhugaða hópmálsókn fyrir hönd íbúa Reykjanesbæjar gegn United Silicon sem rekur kísilver í Helguvík.

Mögulega verður einnig farið í mál við fleiri aðila vegna málsins. Þetta kom fram á fjölmennum íbúafundi í Stapanum í Reykjanesbæ í gærkvöldi, þar sem kísilverinu og mengun sem frá því stafar var harðlega mótmælt.

„Viljum við að Bítlabærinn okkar fallegi endi sem kísilbærinn í sögubókum komandi kynslóða?“ spurði Einar Már Atlason, formaður samtakanna, í umfjöllun um mál þetta í Morgunblaðinu í dag. „Við hættum ekki fyrr en við jörðum þessa verksmiðju.“

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir