Velta á fasteignamarkaði á Árborgarsvæðinu var um 12,7 milljarðar á fyrstu 34 vikum ársins, sem var rúmlega 44% aukning milli ára.
Þetta kemur fram í tölum Þjóðskrár Íslands og er miðað við þinglýsta kaupsamninga. Til samanburðar jókst veltan um 24% á Suðurnesjum og um 14% á höfuðborgarsvæðinu.
Í umfjöllun um þetta mál í Morgunblaðinu í dag segir Sævar Pétursson, löggiltur fasteignasali hjá Eignamiðlun Suðurnesja, eignir stoppa stutt á söluskrá. Eftirspurnin sé mikil. Kaupmáttur íbúanna sé góður sem birtist í því að langflestir umsækjendur standist greiðslumat.