Í dag fór fram í Héraðsdómi Reykjakenns aðalmeðferð í máli sem héraðssaksóknari höfðaði á hendur 17 ára pilti vegna tilraunar til manndráps. Þar sem pilturinn er undir lögaldri var þinghald í málinu lokað.
Hann er ákærður fyrir að hafa þann 3. apríl síðastliðinn stungið þrítugan karlmann með hnífi fyrir utan veitingastaðinn Metro á Smáratorgi í Kópavogi, í bakið vinstra megin, með afleiðingum að hann hlaut lífshættulega blæðingu í brjósthol og í kviðarhol, djúpan skurð á vinstra nýra og minniháttar loftbrjóst.
Pilturinn flúði af vettvangi eftir árásina, en var handtekinn af lögreglu skömmu síðar ásamt öðrum manni sem einnig var talinn tengjast málinu. Honum var hins vegar slepp að yfirheyrslum loknum. Árásin virtist hafa verið tilefnislaus.
Þá er pitlurinn einnig ákærður fyrir brot gegn ávana- og fíkniefnalögum með því að hafa haft í vörslu sinni þann 13. nóvember síðastliðinn 0,94 grömm af amfetamíni og 0,24 grömm af tóbaksblönduðu kannabisefni. Efnin fundiust við leit í íbúð sem ákærði hafi til umráða.
Er þess krafist að pilturinn verði dæmdur til refsingar og greiðslu alls sakarkostnaðar, en brotaþoli gerir einnig einkaréttarkröfu í málinu. Hann krefst þess að ákærði verði dæmdur til að greiða honum 2,5 milljónir króna í miskabætur, auk 480 þúsund króna í sakaðabætur ásamt vöxtum.