Spár gera ráð fyrir mikilli rigningu á Suðausturlandi og Austfjörðum í nótt og á morgun. Víða mun rigna á landinu í nótt en stytta upp, nema á Suðausturlandi og Austfjörðum, upp úr hádegi.
Fremur hæg vestlæg átt og dálitlar skúrir vestanlands á morgun. Áfram stíf sunnanátt og mikil rigning um landið suðaustanvert, en dregur úr rigningu þar síðdegis á morgun.
Hiti 8 til 16 stig, hlýjast á Norðausturlandi.
Í athugasemd veðurfræðings segir að útlit sé fyrir að það verði mjög vætusamt á Suðausturlandi og Austfjörðum út vikuna með tilheyrandi vatnavöxtum.