Lögreglan stöðvaði för ökumanns á Digranesvegi í Kópavogi á fimmta tímanum í morgun. Reyndist ökumaðurinn vera sviptur ökuréttindum og undir áhrifum fíkniefna. Hann var látinn laus að lokinni sýnatöku.
Á tólfta tímanum í gærkvöldi var tilkynnt um útafakstur á Vífilstaðavegi en þar hafði ökumaður misst stjórn á bifreið sinni með þeim afleiðingum að hann hafnaði utan vegar. Ekki urðu slys á fólki en minniháttar tjón á ökutækinu.