Jarðskjálftinn sem varð klukkan 21.50 í gærkvöldi, um 6 kílómetra norðaustur af Selfossi, var mun stærri en talið var í fyrstu, eða 4,1 að stærð. Í fyrstu var gefið upp að hann hefði verið 3,4 að stærð, en á því er töluverður munur.

Skjálftahrina hefur staðið yfir á svæðinu frá því klukkan fjögur í gærdag og í þeirri hrinu hafa auk þess mælst fjórir skjálftar um 3 að stærð og hátt í 400 minni eftirskjálftar.

Frétt af mbl.is

Áframhaldandi titringur á Suðurlandi

Jarðskjálftavirknin í hrinunni náði hámarki í gærkvöldi en hefur verið viðvarandi í nótt og dag. Margir stærri skjálftanna fundust í byggð, bæði á Selfossi og á höfuðborgarsvæðinu, en á Selfossi drundi allt og munir hrundu úr hillum og brotnuðu.

Upptök skjálftanna eru á Suðurlandsbrotabeltinu á þekktu sprungusvæði þar sem skjálftar um 6,5 að stærð hafa orðið á sögulegum tíma.

Frétt af mbl.is

Hrundi úr hillum og brotnaði

Tengdar fréttir

Skjálftar á Suðurlandi 2017

Ekki hægt að útiloka stærri skjálfta

• Áframhaldandi titringur á Suðurlandi
• Hrundi úr hillum og brotnaði
• Jörð skelfur við Selfoss

• 1 blogg um fréttina

Bloggað um fréttina

• Ómar Ragnarsson: Svipað gerðist 17. júní árið 2000.