Ytra borð Hljómskálans nú friðað

Hljómskálinn við suðurenda Reykjavíkurtjarnar, sem skrúðgarðurinn er kenndur við, hefur verið friðaður að ytra borði.

Kristján Þór Júlíusson menntamálaráðherra hefur undirritað yfirlýsingu þar um, að því er fram kemur í umfjöllun um húsið áttstrenda í Morgunblaðinu í dag.

Bygging skálans hófst 1922 og hefur hann æ síðan verið nýttur til tónlistariðkunar. Húsið þykir borgarprýði, en var umdeilt í fyrstu og sagt skyggja á fjallasýn.