Hagnaður hjá ferðaskrifstofum, ferðaskipuleggjendum og annarri bókunarþjónustu minnkaði um 42,5% milli ára 2015 til 2016. Þetta má lesa úr nýrri greiningu Hagstofu Íslands á afkomu félaga.

Í umfjöllun um mál þetta í Morgunblaðinu í dag bendir Alexander G. Eðvardsson, sérfræðingur á skatta- og lögfræðisviði KPMG, á að rekstrartekjur í þessum greinum hafi aukist um 18% milli 2015 og 2016 en laun um 38%.

„Ég myndi ætla að versnandi afkoma lægi í hærri fjármagnskostnaði, þ.e. vaxtagjöldum og gengistapi. Gengistapið skýrist af því að félögin hafa átt kröfur í erlendum gjaldmiðlum á sína viðskiptavini. Þessar kröfur verða verðminni þegar krónan styrkist og þá verður gengistap, en krónan styrktist um 15,7% gagnvart evru á árinu 2016.“

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir