„Óveðrið nálgast óðfluga,“ segir í færslu sem Veðurstofa Íslands hefur birt á facebooksíðu sinni. Þar segir ennfremur að skilin nálgist Reykjanes eins og megi sjá á meðfylgjandi gervitunglamynd frá því klukkan níu í morgun. Byrjað sé að hvessa.
Þá segir að veðrið verði í hámarki á suðvestanverðu landinu á milli 18 og 21 í kvöld.
„Eru ekki örugglega öll trampólín og garðhúsgögn komin í skjól,“ spyr Veðurstofan.