Spáð er suðaustanstormi eða -roki í dag, hvassast við suðvesturströndina, á norðanverðu Snæfellsnesi og á hálendinu seinni partinn. Búast má við mjög hvössum vindstrengjum við fjöll víða um land og snjókomu á fjallvegum og því líkur á samgöngutruflunum.

Rjúpnaveiðifólk ætti að fylgjast sérstaklega vel með veðurspám og mun veðrið skella hratt á fyrst suðvestantil upp úr hádegi með snjókomu, en síðar slyddu eða rigningu, að því er segir á vef Veðurstofu Íslands.

Fólki er einnig bent á að ganga frá lausum munum þar sem fyrsta djúpa lægð vetrarins lætur til sín taka í dag.

Í nótt gengur í suðaustanstorm NA-lands, en lægir síðan með morgninum. Í fyrramálið er spáð hríðarveðri á Austfjörðum með talsverðri snjókomu eða slyddu um tíma, en síðan rigningu. Lægir þar og rofar til um og eftir hádegi.

Veðurvefur mbl.is

Tengdar fréttir

Óveður í nóvember 2017

Bílalestin lögð af stað yfir heiðina

• Mælirinn datt út í Hamarsfirði
• Aðskotahlutur olli rafmagnsleysinu
• Holtavörðuheiði gæti opnast síðar í dag
• Festu bát við bryggju á Hjalteyri

» Fleiri tengdar fréttir

• Blogga um frétt