Trúnaðarupplýsingar úr tölvukerfi grunnskólans á Húsavík, Borgarhólsskóla, voru öllum aðgengileg um tíma.
Mistökin urðu er hugbúnaðarfyrirtækið Advania uppfærði tölvukerfi skólans og gögnin voru flutt í ský, það er gagnageymslu á netinu. Greint var frá málinu í kvöldfréttum RÚV í fyrradag.
Að sögn Kristjáns Þórs Magnússonar, sveitarstjóra Norðurþings, er málið litið alvarlegum augum og hefur verið tilkynnt til Persónuverndar og lögreglu. Þó líti út fyrir að fáir hafi nýtt sér mistökin.