Ölvaðir og dópaðir undir stýri

Lögreglan á höfuðborgarsvæðinu stöðvaði för fjögurra ökumanna á rúmum einum og hálfum klukkutíma í nótt sem reyndust vera undir áhrifum vímuefna. Tveir voru þar að auki án ökuréttinda.

Sá fyrsti var stöðvaður klukkan 00:54, grunaður um ölvunar- og fíkniefnaakstur. Reyndist hann einnig sviptur ökuréttindum. Hann var látinn laus að lokinni blóðtöku. Næsti ökumaður var stöðvaður klukkan 01:27 grunaður um ölvun við akstur. Hann var látinn laus að lokinni blóðtöku. 

Klukkan 02:15 var ökumaður stöðvaður grunaður um fíkniefnaakstur en hann var látinn laus að lokinni blóðtöku. 

Sá síðasti var stöðvaður klukkan 02:28 en hann var stöðvaður við almennt umferðareftirlit. Ökumaðurinn reyndist vera undir áhrifum áfengis og fíkniefna auk þess sem hann var sviptur ökuréttindum. Hann var látinn laus að lokinni blóðtöku.

• Blogga um frétt