Hlaut höfuðáverka og er á gjörgæslu

Engin vitni hafa gefið sig fram vegna umferðarslyss sem átti sér stað á Bitru­hálsi á móts við Bæj­ar­háls mánu­dag­inn 4. des­em­ber. Keyrt var á gangandi vegfaranda og er hann á gjörgæslu.

Samkvæmt Ásgeiri Pétri Guðmundssyni lögreglufulltrúa hlaut maðurinn sem slasaðist höfuðáverka en hann er um þrítugt.

Frétt af mbl.is

Óskað eftir vitnum að umferðarslysi

Hann segir að báðir mennirnir, ökumaðurinn og sá sem var gangandi, hafi verið á grænu ljósi. Bifreiðinni var ekið aust­ur Bæj­ar­háls og síðan beygt norður Bitru­háls með þess­um af­leiðing­um. Lögregla hefur rætt við ökumanninn.

Lög­regl­an biður þá sem kunna að hafa orðið vitni að slys­inu að hafa sam­band í síma 444-1000, en einnig má senda upp­lýs­ing­ar í tölvu­pósti á net­fangið sverr­ir.pall@lrh.is eða í einka­skila­boðum á Fés­bók­arsíðu lög­regl­unn­ar á höfuðborg­ar­svæðinu.

• Blogga um frétt