Aðalmeðferð í markaðsmisnotkunarmáli Glitnis hefst í Héraðsdómi Reykjavíkur í dag. Ákært er fyrir meinta markaðsmisnotkun og umboðssvik fyrir hrun bankans í október árið 2008.

Fimm eru ákærðir í málinu. Lárus Welding, fyrrverandi bankastjóri Glitnis, Jóhannes Baldursson, fyrrverandi framkvæmdastjóri markaðsviðskipta bankans, auk Jónasar Guðmundssonar, Valgarðs Más Valgarðssonar og Péturs Jónassonar sem voru starfsmenn eigin viðskipta bankans.

Allir eru þeir ákærðir fyr­ir markaðsmis­notk­un, en Lár­us að auki fyr­ir umboðssvik. Fimmmenningarnir neituðu sök við þingfestingu málsins.

Gengi hlutabréfanna handstýrt af starfsmönnum

Í ákæru málsins, sem gefin var út í mars árið 2016, kemur meðal annars fram að viðskipti Glitnis með eigin bréf hafi falið í sér langvarandi, stórfellda og ólögmæta íhlutun í gangverki verðbréfamarkaðarins, þannig að gengi hlutabréfa Glitnis stjórnaðist ekki af markaðslögmálum.

Lestu meira

Handstýrðu gengi Glitnis

Gengi hlutabréfanna hafi þess í stað verið handstýrt af starfsmönnum bankans og uppsöfnuð bréf svo seld áfram til valinna viðskiptavina, m.a. stjórnenda bankans, þar sem viðskiptin byggðust á blekkingum og sýndarmennsku til að geta haldið áfram með markaðsmisnotkunina.

Ítarlega var fjallað um ákæruliði málsins hér á mbl.is er ákæra var gefin út og þá umfjöllun má nálgast hér til hliðar.

Búist er við því að aðalmeðferð málsins ljúki 2. febrúar næstkomandi og mun mbl.is fylgjast með vitnaleiðslum og skýrslugjöf í Héraðsdómi Reykjavíkur næstu vikurnar.

Tengdar fréttir

Markaðsmisnotkunarmál Glitnis

Sýkna og skilorðsbundið í Glitnismáli

• Deilt um hæfi meðdómara í Landsrétti
• Mun áfrýja dómnum
• Allir sakfelldir í Glitnismáli
• Dómur í Glitnismáli á morgun

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Tímabært að ljúka hrun-málum fyrir næsta hrun