Jarðskjálfti að stærð 4,9 mældist í norðanverðri Bárðarbunguöskju klukkan 19:24. Skjálftinn er sá stærsti sem mælst hefur frá því að eldgosi lauk í Holuhrauni 28. febrúar 2015. Eldgosið stóð yfir frá 31. ág­úst 2014.

„27. október í fyrra voru tveir skjálftar, 4,7 að stærð, og voru það stærstu skjálftarnir sem hafa orðið í Bárðarbunguöskjunni frá goslokum,“ segir Bjarki Kaldalóns Fries, náttúruvársérfræðingur á Veðurstofu Íslands, í samtali við mbl.is.

Enginn gosórói er sjáanlegur á svæðinu en að sögn Bjarka verður vel fylgst með gangi mála.

Fyrr í kvöld mældust þrír jarðskjálft­ar norðaust­ur af Bárðarbungu síðdeg­is. Skjálftarnir voru  3,7, 2,9 og 3,8 að stærð. Um 20-30 eftirskjálftar hafa mælst á svæðinu frá því að hrinan hófst skömmu fyrir klukkan sex í kvöld.  

Frétt mbl.is: Þrír jarðskjálftar við Bárðarbungu

Fjórir skjálftar á bilinu 2,9-4,9 mældust í norðanverðri Bárðarbunguöskju í kvöld. Kort/Veðurstofa Íslands

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir

• 2 blogg um fréttina

Bloggað um fréttina

• Tryggvi Helgason: Er kapphlaup milli Dyngju og Öræfajökuls ?
• Ómar Ragnarsson: Hún er að vígbúast og má búast við hverju sem …