„Stjórnvöld munu að sjálfsögðu sinna ákallinu í loftslagsmálum. Það sést best á stjórnarsáttmálanum sem vitnar um mikinn metnað í þeim málum,“ segir Guðmundur Ingi Guðbrandsson umhverfisráðherra.
Tilefnið er gagnrýni fulltrúa loftslagshreyfingarinnar á takmarkaðar fjárveitingar til málaflokksins. Birtist gagnrýnin m.a. á vinnustofu um þessi mál hjá Toyota á Íslandi sl. föstudag.
Í umfjöllun um mál þetta í Morgunblaðinu í dag segir Guðmundur Ingi að á þessu ári muni ríkisstjórnin leggja fram aðgerðaáætlun til ársins 2030 sem verði í takt við markmið Parísarsamkomulagsins í loftslagsmálum. Sú áætlun sé nú í undirbúningi.