Kynna umbætur á lögum um tjáninga- og fjölmiðlafrelsi á morgun

Nefnd forsætisráðherra um umbætur á löggjöf á sviði tjáningar-, fjölmiðla- og upplýsingafrelsis kynnir afrakstur vinnu sinnar í fyrri áfanga nefndarstarfsins á morgun.

Frétt af mbl.is

Fari yfir umbætur á löggjöf á sviði tjáningarfrelsis

Eiríkur Jónsson, prófessor og formaður nefndarinnar, mun kynna fyrri áfanga nefndarstarfsins og svarar spurningum fjölmiðla að kynningu lokinni. 

Forsætisráðuneytið segir að fimm frumvörp til laga verði skilað til ráðherra:

1. Frumvarp til laga um bætur vegna ærumeiðinga (afnám refsinga vegna ærumeiðinga).
2. Frumvarp til laga um breytingu á almennum hegningarlögum, nr. 19/1940, með síðari breytingum (þrenging ákvæðis um hatursorðræðu).
3. Frumvarp til laga um breytingu á stjórnsýslulögum, nr. 37/1993, með síðari breytingum (tjáningarfrelsi og þagnarskylda).
4. Frumvarp til laga um breytingu á lögum um rafræn viðskipti og aðra rafræna þjónustu, nr. 30/2002, ásamt síðari breytingum (takmarkaðri ábyrgð hýsingaraðila).
5. Frumvarp til laga um breytingu á lögum um fjarskipti, nr. 81/2003, með síðari breytingum, og lögum um meðferð sakamála, nr. 88/2008, með síðari breytingum (afnám gagnageymdar o.fl.).

Í nefndinni sátu: Ei­rík­ur Jóns­son, pró­fess­or, formaður, Páll Þór­halls­son, skrif­stofu­stjóri í for­sæt­is­ráðuneyt­inu, vara­formaður, Birgitta Jóns­dótt­ir, stjórn­ar­formaður In­ternati­onal Modern Media Initiati­ve (IMMI), Hjálm­ar Jóns­son, formaður Blaðamanna­fé­lags Íslands, Sig­ríður Rut Júlí­us­dótt­ir hæsta­rétt­ar­lögmaður, Elísa­bet Gísla­dótt­ir, lög­fræðing­ur í dóms­málaráðuneyt­inu, Þröst­ur Freyr Gylfa­son, sér­fræðing­ur í fjár­mála- og efna­hags­ráðuneyt­inu og Elísa­bet Pét­urs­dótt­ir, lög­fræðing­ur í mennta- og menn­ing­ar­málaráðuneyt­inu.

• 1 blogg um fréttina

Bloggað um fréttina

• Geir Ágústsson: Hatursorðræða er kjarni tjáningarfrelsisins