Fyrsti jólabjórinn kominn til byggða

Jólabjórdagurinn, eða J-dagurinn eins og hann er einnig kallaður, miðast við daginn þegar sala á Tuborg jólabjór hefst á hverju ári. Salan á bjórnum hófst á slaginu klukkan 20:59 í kvöld og tóku Íslendingar hátíðina mjög alvarlega og fjölmenntu í bæinn til að fagna henni.

Ljósmyndari mbl.is kíkti í miðbæinn og á Danska barinn þar sem stemningin var gífurleg. Víða mátti sjá bláa Tuborg-jólasveina í fullum skrúða og flestir ef ekki allir voru með jólabjór í hönd.

J-dagurinn hefur lengi verið haldinn hátíðlegur í Danmörku en í ár var ákveðið að senda skilaboð sem eru meira í takt við tíðarandann.

„Við vilj­um senda þau skila­boð að þessi viðburður sé fyr­ir allt full­orðið fólk. J-dag­ur­inn á að vera í sam­ræmi við tíðarand­ann og þau gildi sem við vilj­um til­einka okk­ur,“ seg­ir Kasper El­bjørn, fjölmiðlafulltrúi Carlsberg, eiganda Tuborg, í samtali við danska ríkisútvarpið.