5.036 hryssur notaðar í blóðmerahald í fyrra

Samtals 5.036 hryssur voru notaðar í blóðmerahald í fyrra af 95 aðilum. Þetta er meðal þess sem kemur fram í svari Kristjáns Þórs Júlíussonar, sjávarútvegs- og landbúnaðarráðherra, við fyrirspurn Ágústs Ólafs Ágústssonar, þingmanns Samfylkingarinnar.

Í svarinu segir meðal annars að tilgangur blóðmerahalds sé að vinna sérstakt hormón úr blóði fylfullra mera á fyrri hluta meðgöngu þeirra. „Hormónið hefur það hlutverk að viðhalda meðgöngu með því að örva starfsemi eggjastokka og fjölga gulbúum. Hægt er að vinna hormónið úr blóði hryssa á þessu tiltekna tímabili meðgöngunnar og vinna úr því frjósemislyf. Það er einna helst notað til að samstilla gangmál dýra, mest í svínarækt. Frjósemislyfið er notað út um allan heim, en í hverfandi magni á Íslandi. Hryssublóði hefur verið safnað úr fylfullum hryssum í kjötframleiðslu hér á landi í um 40 ár,“ segir í svarinu.

Ágúst Ólafur Ágústsson spurði ráðherra um blóðamerahald. mbl.is/Hari

Ágúst spurði einnig um hvað gert væri við folöld blóðmera og segir í svarinu að samkvæmt upplýsingum frá Matvælastofnun er folöldunum alla jafna slátrað til kjötframleiðslu eða þau sett til endurnýjunar. Sum þeirra séu líka nýtt til reiðhestaræktunar.

• 1 blogg um fréttina

Bloggað um fréttina

• Helga Dögg Sverrisdóttir: Mál að linni