„Ég tel að við  séum að taka réttar ákvarðanir miðað við aðstæður og þurfum að sætta okkur við óvissuna sem þessi faraldur býður upp á,“ segir Bjarni Benediktsson, efnahags- og fjármálaráðherra, í samtali við mbl.is um hertar aðgerðir á landamærum Íslands sem taka gildi á miðnætti í kvöld.

Bjarni segist líta svo á vel hafi gengið að ná tökum á kórónuveirufaraldrinum hér á landi framan af.

Frétt af mbl.is

Eðlilegt að fólk spyrji spurninga

„Ég lít svo á að okkur hafi tekist framúrskarandi vel á fyrstu stigum þessa máls, að koma í veg fyrir að útbreiðsla veirunni væri heilbrigðiskerfinu okkar ofviða. Það gekk mjög vel. Það gekk sömuleiðis mjög vel að efla samstöðu innan lands og losa um takmarkanir á samkomum fólks og þar með örva verslun og eftirspurn innanlands,“ segir Bjarni.

Sameiginlegir hagsmunir

„Nú hefur það gerst, sem við gátum gert ráð fyrir, að veiran fyndi sér að nýju leið inn í landið. Og ég tel að við séum að taka réttar ákvarðanir miðað við aðstæður. Það sem ég hef helst áhyggjur af í augnablikinu er vaxandi útbreiðsla í öðrum löndum og óvissan sem því fylgir. Við munum fylgjast náið með því og vona það besta. Það eru sameiginlegir hagsmunir allra að mönnum takist að halda aftur að útbreiðslu veirunnar.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Guðlaugur Guðmundsson: Þríeykið og þríeykið - gæfa íslendinga