Í nýju litakóðakerfi vegna Covid-19 er sérstaklega kveðið á um þær takmarkanir sem gilda innan skólakerfisins innan hvers litar fyrir sig. Markmið kerfisins er að auka fyrirsjáanleika og einfalda skipulag sóttvarnaráðstafana í skóla- og frístundastarfi hér á landi. Kerfið sem snertir skólastarfið er ekki lagalega bindandi, einungis hugsað til viðmiðunar.

Almenna litakóðakerfið tók gildi í dag en kerfið sem snertir skólastarf tekur gildi um áramót.

„Viðvörunarkerfi fyrir skóla- og frístundastarf snertir alla nemendur, kennara, starfsfólk og foreldra barna og ungmenna á öllum skólastigum, alls um 120 þúsund manns. Í því má finna yfirlit yfir útfærslur og áhrif sóttvarnaráðstafana á mismunandi skólastigum og hversu langan fyrirvara má gera ráð fyrir vegna breytinga á þeim,“ segir í tilkynningu frá stjórnarráðinu um málið. 

Frétt af mbl.is

Aldrei fleiri en 100 saman miðað við nýtt kerfi

Reglugerð stýrir áfram

Eins og áður segir er kerfið ekki lagalega bindandi heldu hugsað til viðmiðunar og undirbúnings fyrir skólasamfélagið í heild sinni. 

„Gildandi reglugerðir heilbrigðisráðherra munu áfram stýra sóttvarnaráðstöfunum í skólum. Almennar samkomutakmarkanir gilda nema annað sé sérstaklega tekið fram. Gert er ráð fyrir því að breytingar á lit eða stigi varúðarráðstafana verði tilkynntar með reglugerðarbreytingum,“ segir í fyrrnefndri tilkynningu. 

Litaflokkunin er unnin í samráði við almannavarnardeild ríkislögreglustjóra, sóttvarnaryfirvöld og fulltrúa allra skólastiga. Byrjað verður að vinna eftir henni frá og með næstu áramótum.

Hér má finna frekari upplýsingar um hvaða takmarkanir gilda á hverju viðvörunarstigi fyrir sig. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt