Farsóttanefnd og viðbragðsstjórn Landspítalans hafa þungar áhyggjur af útbreiðslu smita víða um land og þeim verkefnum sem í kjölfarið fylgja. Spítalinn segir að ágæt viðbrögð hafi verið við ákalli um liðsinni við úthringingar en betur má ef duga skal. Meðal annars hefur hópur hjúkrunarfræðinga á Akureyri bæst í úthringihópinn.

Fram kemur í tílkynningu, að í gær hafi verið greint frá smiti á geðdeild. Rakningu er lokið.

„Ekki hafa greinst fleiri smit en nokkuð stór sýnataka verður í dag og er niðurstöðu að vænta síðdegis og í kvöld. Þrettán starfsmenn eru í sóttkví A og 26 í vinnusóttkví vegna smitsins,“ segir í tilkynningu. 

Alls liggja 15 sjúklingar með Covid á Landspítala. Þrír eru á gjörgæslu og allir í öndunarvél. Einn er á bráðageðdeild og 11 á smitsjúkdómadeild. Tvær innlagnir voru í gær.

Nú eru 1.359 einstaklingar í eftirliti göngudeildar, þar af eru 324 börn en þau hafa aldrei verið fleiri. „Gríðarlegur fjöldi smita greindist í gær og verkefnin vaxa í samræmi við það,“ segir ennfremur. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Rúnar Már Bragason: Ró og yfirvegun