Svandís Svavarsdóttir heilbrigðisráðherra hefur gefið undanþágu á samkomutakmörkunum í dag og á morgun fyrir gesti á menningarviðburðum. 

Gestir þurfa því ekki að framvísa neikvæðu hraðprófi þegar í t.d. leikhús er komið. Þetta er gert vegna þess að illa gekk fyrir fólk í gær að komast í hraðpróf, sem hægt var að framvísa á leiksýningum í dag og á morgun. 

Frétt af mbl.is

Hvar er hægt að fara í hraðpróf?

Þetta kemur fram í fréttatilkynningu frá Þjóðleikhúsinu og segir Sváfnir Sigurðarson, upplýsingafulltrúi leikhússins, í samtali við mbl.is að þetta sé mikið gleðiefni. Með þessu verður hægt að tryggja að allir þeir sem áttu miða á leiksýningar um helgina geti mætt. 

„Fyrst og fremst erum við glöð að geta haldið áfram sýningarhaldi, tekið á móti okkar gestum og að enginn þurfi frá að hverfa. Á sama tíma leggjum við áherslu á öruggt og ábyrgt sýningarhald þannig að gestir helgarinnar geti notið skemmtilegra sýninga á öllum sviðum leikhússins áhyggjulausir,“ segir Magnús Geir Þórðarson Þjóðleikhússtjóri um undanþáguna.

Eftir helgi verður þó, eins og kynnt var í gærmorgun, skylt að framvísa neikvæðu hraðprófi við komuna í leikhús eða á aðra menningarviðburði. Þannig eru 500 manna samkomutakmarkanir í gildi að þessu gefnu, en almennar takmarkanir miðast við 50 manns hvort sem er innan- eða utandyra. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: "Neikvætt" umhugsunarefni