Sjálfstæðisflokkurinn bætir við sig fylgi samkvæmt nýjustu tölum í Norðausturkjördæmi og á Kristján Þór Júlíusson, þingmaður Sjálfstæðisflokksins, sætaskipti við Steingrím J. Sigfússon, þingmann Vinstri grænna, með að vera fyrsti þingmaður kjördæmisns.
Engin breyting er á fjölda þingsæta milli flokka eftir nýjustu tölur, en Sjálfstæðisflokkurinn, Vinstri græn, Samfylkingin og Miðflokkurinn ná allir tveimur þingmönnum. Framsóknarflokkurinn nær einum þingmanni og Píratar einum jöfnunarþingmanni.
Flokkur fólksins, Viðreisn, Björt framtíð og Alþýðufylkingin ná hins vegar ekki þingmönnum samkvæmt þessum tölum.
Búið er að telja 9.000 atkvæði, en á kjörskrá eru 29.618 manns.