Upplýsa þingflokka um stöðu mála
Setja bókamerki
Nú standa yfir þingflokksfundir flokkanna fjögurra sem nú freista þess að mynda ríkisstjórn, en þetta kom fram samtali við Katrínu Jakobsdóttur, formann Vinstri-grænna, í gær. Jafnframt sagði hún að fulltrúar flokkanna fjögurra, Vinstri-grænna, Samfylkingar, Pírata og Framsóknarflokks, myndu halda áfram stjórnarmyndunarviðræðum seinni partinn í dag eða í kvöld.
Markmið þingflokksfundanna mun hafa verið að fara yfir og upplýsa flokkana um stöðu viðræðna. Að sögn Katrínar eru flokkarnir þegar komnir langleiðina með að ræða heildarmyndina. Þá hafa mál eins og uppbyggingarmál, heilbrigðismál, menntamál, samgöngur, kjaramál, staða á vinnumarkaði og kjör aldraðra og öryrkja þegar verið rædd.
Þó sagði Katrín að viðræðurnar væru ekki komnar á þann stað að þau væru farin að útkljá einstök mál, en niðurstöður myndu að öllum líkindum liggja fyrir á morgun, mánudag.
Ekki náðist í formenn flokkanna fjögurra við vinnslu fréttarinnar.
Gefur ekkert upp um leyfi til hvalveiða
Sama stefna í gildi í útlendingamálum
Vill engin tímamörk á fóstureyðingum
Mikilvægt að vera á tánum
Hafa „ágætis tíma“ til úrbóta
Nauðgaði kærustu sinni og tók það upp
Segjast ekki vera á kaldri slóð