Guðni býst við fréttum fyrir vikulok

Bessastaðir. Forseti Íslands býst við fréttum frá formönnum þeirra flokka …
Bessastaðir. Forseti Íslands býst við fréttum frá formönnum þeirra flokka sem nú ræða stjórnarmyndun fyrir vikulok. mbl.is/Kristinn Magnússon

Guðni Th. Jóhannesson, forseti Íslands, telur ekki þörf á að boða formenn þingflokkanna á Bessastaði á allra næstu dögum.

Í fréttatilkynningu frá forsetaembættinu segir að síðustu daga hafi leiðtogar Framsóknarflokks, Sjálfstæðisflokks og Vinstri hreyfingarinnar - græns framboðs rætt sín á milli um möguleika á myndun ríkisstjórnar þessara flokka.

„Eftir samráð við þingmenn og aðra í röðum flokkanna hafa formenn þeirra tjáð mér að þeir séu reiðubúnir til formlegra viðræðna og samninga um ríkisstjórnarsamstarf, gerð stjórnarsáttmála og skipan ráðherraembætta,“ segir í yfirlýsingunni.

„Þær viðræður munu hefjast nú þegar og er þess að vænta að undir lok vikunnar liggi fyrir hvort þær skila tilætluðum árangri.“

mbl.is
Fleira áhugavert
Fleira áhugavert