Helgi Hrafn Gunnarsson, fyrrverandi þingmaður Pírata, var kosinn í framkvæmdastjórn flokksins á rafrænum aðalfundi Pírata sem fram fór um helgina.

Helgi Hrafn hafði áður gefið út að hann hygðist ekki bjóða sig fram í komandi kosningum en snúa sér að stefnumótun innan flokksins í þess stað. „Ég er mjög spenntur fyrir því að fara í praktískara hlutverk þar sem spurningarnar eru meira praktískar en kannski minna af rökræðum,“ segir Helgi léttur.

Fimm aðrir í framboði

Ásamt honum sitja í framkvæmdastjórn þau Björn Þór Jóhannesson og Gamithra Marga, en þau sátu áður í framkvæmdastjórninni. Það var einungis kosið um eitt sæti í ár þar sem stjórninni er aldrei skipt út allri í einu, svo að stofnanalega minnið glatist ekki, að sögn Helga. Hann segir mikil tækifæri felast í nýju skipulagi á starfinu:

„Við erum nýkomin með þetta skipulag sem við erum með núna svo það eru rosalega mörg tækifæri til að prófa sig í umbótum á innra starfinu. Hlutverkin eru orðin dreifðari og nákvæmari,“ segir hann.

Frétt af mbl.is

„Ekki jákvætt að fólk sé of lengi í pólitík“

Í framboði til framkvæmdastjórnar voru einnig:

Rúnar Gunnarsson, Kristrún Ýr Einarsdóttir, Jón Arnar Magnússon, Halldór Haraldsson og Tinna Helgadóttir.

Þá var kosið um tvö sæti í stefnu- og málefnanefnd Pírata, fimm sæti í úrskurðarnefnd Pírata og eitt sæti í fjármálaráð Pírata.

Stefnu- og málefnanefnd:

Svafar Helgason

Pétur Óli Þorvaldsson

Úrskurðarnefnd:

Annie Marín Vestfjörð G.

Kristján Gísli Stefánsson

Kristrún Ýr Einarsdóttir

Jón Grétar Leví Jónsson

Halldór Haraldsson

Fjármálaráð:

Stefán Örvar Sigmundsson

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Píratar mæta mjög pólitískt veikir til leiks fyrir alþingiskosningar