Tækni & vísindi | mbl | 5.5.2010 | 14:53

Vöxtur á fyrsta æviári hefur áhrif á þyngd síðar

Í rannsókninni kom fram að börn sem fengu eingöngu brjóstamjólk (enga aðra fæðu né þurrmjólk) fyrstu tvo mánuði ævinnar þyngdust ekki eins hratt eins og börn sem fengu brjóstamjólk eingöngu skemur en tvo mánuði. mbl.is/Brynjar Gauti

Eftir því sem börn vaxa hraðar á fyrsta aldursári þeim mun líklegra er að þau séu of þung við 6 og 10 ára aldur. Þetta kemur fram í vísindagrein sem birtist nýlega í tímaritinu Public Health Nutrition. Meðal höfunda greinarinnar eru þær dr. Ingibjörg Gunnarsdóttir og dr. Inga Þórsdóttir, prófessorar í næringarfræði við Matvæla- og næringarfræðideild Háskóla Íslands.

Ýmsir umhverfistengdir þættir hafa áhrif á vaxtarhraða ungbarna og má þar fyrst nefna brjóstagjöf. Í rannsókninni kom fram að börn sem fengu eingöngu brjóstamjólk (enga aðra fæðu né þurrmjólk) fyrstu tvo mánuði ævinnar þyngdust ekki eins hratt eins og börn sem fengu brjóstamjólk eingöngu skemur en tvo mánuði.

Heildarlengd brjóstagjafar hafði einnig áhrif á þyngdaraukningu ungbarna á síðar hluta fyrsta árs.

Önnur næring hefur einnig áhrif á vaxtarhraða á fyrsta aldursári. Vel þekkt er að mikil próteinneysla meðal ungbarna tengist hraðari vexti á fyrsta aldursári. Mikil neysla próteinríkra fæðutegunda meðal ungbarna var einnig tengd auknum líkum á ofþyngd meðal barna í íslenskri rannsókn frá árinu 2003.

Niðurstöðurnar voru staðfestar í stórri evrópskri íhlutandi rannsókn, sem nýlega var gerð. Mikilvægi næringar ungbarna í forvörnum gegn ofþyngd og offitu er óumdeilanlegt. Á fyrsta ári er einnig lagður grunnur að mataræði barna og gott næringarástand á þessu mikla þroskaskeiði gríðarlega mikilvægt fyrir framtíðar heilsu einstaklingsins.

Á Norðurlöndum er tíðni brjóstagjafar hærri en víða annars staðar og er mikilvægt að hlúa vel að þeim aðstæðum sem hvetja til almennrar brjóstagjafar. Einnig er nauðsynlegt að huga að eftirfylgni við ráðleggingar um fæðuval eftir að brjóstagjöf lýkur, að því er segir í tilkynningu frá HÍ.

ÞærIngibjörg og Inga starfa á Rannsóknastofu í næringarfræði við Háskólann og Landspítala. Rannsóknin var unnin í samstarfi við næringarfræðinga og lækna frá Kaupmannahafnarháskóla sem og aðra þátttakendur í norrænu verkefni sem nefnist „Prenatal and Childhood Growth in Relation to Cardiovascular Disease" (the NordNet Study).

Tækni og vísindi »

Einn af stofnendum Apple, Steve Wozniak, með Powerbook þar sem eplið fræga er á hvolfi.

Eplið var á hvolfi fyrir notandann

Í gær, 15:44 Eitt sinn sneri hið þekkta kennimerki Apple öfugt á fartölvunum fyrirtækisins þegar þær voru opnar. Því var breytt eftir nokkur ár en nú hefur fyrrverandi starfsmaður hjá Apple, Joe Moreno, útskýrt á bloggsíðu sinni hvernig á þessu stóð. Meira

Hönnuður innsendingakerfis Wikileaks á landinu

Í gær, 13:20 Netkerfaráðstefna Terena fór vel af stað í Háskólabíói í gær. Einn fyrirlesara er Jake Appelbaum sem kom að hönnun kerfisins sem gerir fólki kleift að senda órekjanlegar upplýsingar til Wikileaks. Meira

Faðir fjarstýringarinnar er látinn

Í gær, 23:27 Uppfinningamaðurinn Eugene Polley, sem fann upp fjarstýringuna er látinn, 96 ára að aldri. Uppfinning hans, Flash-Matic beindi ljósi að fótósellum sem staðsettar voru á sjónvarpstækjum og þannig var hægt að kveikja og slökkva á tækinu og skipta á milli stöðva. Meira

Einkarekin geimflaug á loft

Falcon 9-eldflaugin frá SpaceX á skotpalli.

Í gær, 10:01 Bandaríska fyrirtækið SpaceX varð í dag fyrsta einkafyrirtækið til að skjóta á loft eigin eldflaug til Alþjóðlegu geimstöðvarinnar. Meira

Plöntulykill í snjallsímann

í fyrradag Plöntulykillinn, greiningarlykill fyrir íslensku flóruna, kemur á markað fyrir Android símtæki og spjaldtölvur í byrjun næsta mánaðar. Lykillinn gerir fólki kleift að greina á einfaldan hátt um það bil 470 plöntur en af þeim eru rúmlega 800 ljósmyndir og ítarlegar teikningar af sérkennum þeirra. Meira

Hluti heilans minnkar við áföll

Skjálftinn og flóðbylgjan ollu gríðarlegri eyðileggingu og manntjóni.

Í gær, 10:41 Tilfinningaleg streita af völdum flóðbylgjunnar í Japan í fyrra olli því að hluti heila eftirlifendanna skrapp saman. Þetta segja japanskir vísindamenn sem hafa rannsakað taugafræðileg áhrif sálrænna áfalla. Meira

Hrotur auka líkur á krabbameini

í fyrradag Bandarískir vísindamenn hafa sýnt fram á að hrotur og aðrar svefntruflanir, sem hamla eðlilegu súrefnisflæði um líkama mannsins í hvíld, geta aukið líkur á krabbameini. Meira

Krefja Google um skýringar

í fyrradag Samkeppnisyfirvöld Evrópusambandsins hafa gefið bandaríska tölvufyrirtækinu Google vikur til þess að veita upplýsingar í tengslum við rannsókn samkeppnisyfirvalda á markaðsráðandi stöðu Google varðandi leitarvélar á netinu. Meira

„Gramsað“ eftir rafrænum bókum

í fyrradag Waterstones-bókabúðirnar á Bretlandseyjum munu brátt hefja sölu á Kindle-lesvélinni frá Amazon og gera bókaormum kleift að „gramsa“ eftir rafrænum bókum í búðum sínum. Þetta kemur fram á vef breska ríkisútvarpsins. Meira

Pakistanar komast á Twitter á ný

Pakistanar komust ekki inn á Twitter í dag

20.5. Pakistönsk stjórnvöld hafa opnað fyrir aðgang að samskiptavefnum Twitter á ný en vefnum var lokað fyrr í dag vegna samkeppni sem þar fór fram þar sem fólk gat sett inn skopmyndir af Múhameð spámanni. Meira

Magnaður hringmyrkvi

í fyrradag Milljónir manna fylgdust með hringmyrkva um helgina og sögðu áhorfendur atburðinn hafa verið afar magnaðan. Meira

Lokað á Twitter vegna guðlasts

20.5. Pakistönsk stjórnvöld lokuðu í dag á samskiptasíðuna Twitter, vegna keppni sem efnt hefur verið til þar um að birta skopmyndir af spámanninum Múhammeð. Meira

Samdráttur í farsímasölu

16.5. Farsímasala dróst saman á fyrsta ársfjórðungi og er þetta í fyrsta skipti sem salan á farsímum dregst saman frá því á fyrir hluta ársins 2009. Samsung seldi flesta farsíma á fyrstu þremur mánuðum ársins. Meira

Ásókn í Diablo 3 olli hruni

Í Diablo stjórnar leikmaðurinn ólíkum hetjum í stríðinu við hið illa

16.5. Þriðja útgáfa af Diablo tölvuleiknum var gefin út í vikunni sem tölvuleikjarisinn Blizzard framleiðir. Ríflega áratugur er síðan önnur útgáfa leiksins kom út, seldist í tæplega 20 milljónum eintaka og vann til fjölda verðlauna. Meira

Nýr íslenskur tölvuleikur á markað

Zorblobs, leikurinn sem Fancy Pants Global vinnur nú að því að klára.

15.5. Íslenski tölvuleikjaframleiðandinn Fancy Pants Global vinnur nú að þróun á nýjum tölvuleik sem það hyggst markaðssetja á síðari hluta þessa árs. Meira

Árás gerð á Pirate Bay

16.5. Tölvuárás hefur lamað starfsemi skráarskiptasíðunnar Pirate Bay (TPB) undanfarinn sólarhring og hefur verið nánast ómögulegt að komast inn á vef þeirra. Meira

Fágætur sólmyrkvi um helgina

16.5. Morgunhanar í Kína og Japan geta orði vitni af fágætum sólmyrkva um helgina. Um verður að ræða svokallaðan hringmyrkva sem verður þegar tunglið skyggir fyrir sólkringluna miðja en ekki jaðar hennar, séð frá athugunarstað. Meira

Samfélagsmiðlar að taka við hlutverki tölvupóstsins

150 milljón tíst fara um Twitter á hverjum degi.

15.5. Ríflega 60 milljón stöðuuppfærslur eru á Facebook og 150 milljón tíst á Twitter dag hvern. Á sama tíma eru 295 milljarðar tölvupósta sendir á degi hverjum, þar af er stór hluti af þeim sendingum ruslpóstur, segir Snæbjörn Ingi Ingólfsson lausnaráðgjafi Nýherja í erindi sínu um Social Business hugmyndafræði sem nú hefur rutt sér til rúms í mörgum fyrirtækjum, á ráðstefnu Nýherja sem haldin er á Egilsstöðum í dag. Meira