Það er vitað mál að engifer er afskaplega hollt og gott fyrir kroppinn. En líkt og með svo margt getur of mikið magn af engiferrót valdið brjóstsviða, niðurgangi og ertingu í munni, jafnvel magaóþægindum, samkvæmt Heilsugæslunni við Háskólann í Maryland.
Engifer þykir gott við ógleði og því nota óléttar konur það gjarnan við morgunógleði. Mælt er með að óléttar konur borði ekki meira en eitt gramm á dag.
Engifer er sem áður segir engu að síður mjög hollt og þykir gott við hinum ýmsu kvillum á borð við ferðaveiki, kvef, þrota og bólgur svo fátt eitt sé nefnt en varast skal ofneyslu þess sem áður segir. Allt er gott í hófi!