Fyrir alla alvörubeikonunnendur hljómar þessi frétt eins og fimm daga ferð til himnaríkis. Fyrir alla hina gæti þetta verið of mikið en í næstu viku, nánar tiltekið 31. maí, hefst fimm daga beikonhátíð í Ann Arbor í Michigan-ríki í Bandaríkjunum.
Hátíðin samanstendur af beikonunnendum, beikongerðarfólki, beikonfræðingum og flestöllum þeim sem tengjast framleiðslu eða neyslu beikons í hvaða mynd sem er.
Fyrir áhugafólk um beikon er þetta sannkallað mekka og á hátíðinni eru fjölmargir viðburðir sem ættu að gleðja flesta (sem elska beikon).
Fyrir þá sem vilja kynna sér málið nánar má nálgast upplýsingar hér.