Bakað fyllt brauð á grillinu
Þorbjörg Marinósdóttir
Setja bókamerki
Fyllt brauð með osti, pestó og ferskri basiliku er frábær hugmynd! Brauðið er bakað á grillinu svo það fær virkilega gott grillbragð og þú getur setið úti í sólinni í stað þess að húka inni og horfa á ofninn. Því það gerir maður alltaf þegar maður bakar brauð. Eða alla vega sumir. Okei kannski enginn. Það er samt skemmtilegra að grilla það!
Deig:
500 g heilhveiti
1/2 pakki ger
1 msk. salt
1 msk. pizzakrydd
400 ml volgt vatn
Fylling:
1 krukka gott pestó
Góður ostur t.d. Búri
Fersk basilíka
Hrærið öllum hráefnunum saman með sleif og leggið svo viskustykki yfir og látið hefast í 2 klst.
Fletjið deigið út og setjið fyllingu í miðjuna. Lokið brauðinu vel og penslið með olíu.
Einnig má skipta því í minni bita og gera smábrauð og jafnvel stinga þeim á grillpinna.
Grillið brauðið á miðlungshita uns bakað í gegn. Ég slekk stundum á grillinu og leyfi brauðinu að hangsa á meðan ég útbý aðalrétt og býð upp á brauðið í forrétt eða með matnum.
Myndir: Reynir við heimsmet í Hlíðarfjalli í dag
Moses Hightower og Prins Póló gefa út eyjalag
„Okkur miðar í rétta átt“
Hönnun sem bætir líf manna
Áköf mótmæli í bandarískum háskólum
Mest spennandi kosningar í áratugi