Hvað er gott með slátri var spurt og netið ærðist

Þegar stórt er spurt verður oft mikið um svör og þessi spurning kallaði fram svo mögnuð svör að hörðustu matgæðingar hefur sjálfsagt ekki látið sér detta þau í hug. Hvað er gott með slátri var spurt og svörin létu ekki á sér standa og hugmyndirnar... voru sumar hverjar stórkostlegar á meðan aðrar jöðruðu mögulega við helgispjöll.

Spjallþráðurinn var í hópnum Matartips! á Facebook og endrum og eins reyndi einhver að vera fyndinn. Því var oftar en ekki tekið með takmörkuðum húmor og einum sprellaranum var sagt að loka á sér þverrifunni!

Bráðskemmtilegar pælingar og örugglega margt á þessum lista sem vert er að prófa.

Algengustu svörin við spurningunni: Hvað er gott með slátri? voru þessi:

• Steikt blóðmör með spældu eggi
• Kalt með skyri.
• Steikt með kartöflum og jafningi.
• Með skyri.
• Með jafningi og rófustöppu
• Með sírópi.
• Með jafningi, kartöflum og dass af sykri yfir slátrið.
• Á pítsu.
• Með humar - surf and turf!
• Sem borgari - svipað og Haggis borgari
• Með kjötsúpu.
• Með rauðkáli og sultuðum rauðlauk.
• Með jólaköku.
• Með hafragraut.
• Steikt á pönnu.
• Með sætkartöflumús og soðnum eplum eða perum.
• Með kartöflugratíni.
• Stöppuð lifrapylsa með Aromat kryddi.
• Með rófustöppu.
• Með sveppasósu
• Með hangikjöti
• Steikt upp úr sykri.
• Grillað.
• Með frösnkum og kaldri piparsósu.

• Blogga um frétt