Senda inn efni
Ricardo Fuller tryggði Stoke sigur í dag. Reuters
Íþróttir | mbl.is | 22.11.2009 | 17:54
Enn eitt tapið hjá Portsmouth
Jamaíkumaðurinn Ricardo Fuller tryggði Stoke 1:0 sigur á Portsmouth en liðin áttust við á Britannia vellinum í Stoke í dag. Fuller skoraði sigurmarkið á 74. mínútu og var þetta hans fyrsta mark á tímabilinu. Portsmouth fékk gullið tækifæri til að komast yfir í fyrri hálfleik en Kevin-Prince Boateng lét Thomas Sörensen verja frá sér vítaspyrnu.
Hermann Hreiðarsson lék allan tímann fyrir Portsmouth og var þetta fyrsti leikur hans með suðurstrandarliðinu á tímabilinu. Eyjamaðurinn sterki stóð fyrir sínu en Portsmouth situr eitt og yfirgefið á botni deildarinnar með aðeins 7 stig en Stoke fór upp í 9. sæti með 19 stig.
© 2010 Árvakur hf. Öll réttindi áskilin
Til baka
Íþróttir / Enski boltinn — Fleiri fréttir
Í gær
Laugardaginn 20. mars
Föstudaginn 19. mars
20:07