Senda inn efni
Fimm marka maðurinn Jermain Defoe sýst hér á risaskjá eftir stórsigur Tottenham á Wigan í gær. Reuters
Leikmenn Wigan endurgreiða stuðningsmönnunum
Leikmenn Wigan hafa boðist til að endurgreiða þeim stuðningsmönnum félagsins sem ferðuðust til London í gær til að fylgjast með liðinu í leiknum gegn Tottenham á White Hart Lane. Tottenham slátraði gestunum frá Wigan en lokatölur urðu, 9:1.
Mario Melchiot varnarmaður Wigan segir að úrslitin hafi verið niðurlægjandi fyrir alla þá sem að félaginu standa og að leikmenn liðsins séu reiðbúnir að greiða þann kostnað sem stuðningsmenn Wigan lögðu út fyrir til að fylgja liði sínu.
,,Okkur finnst við hafa svikið okkar stuðningsmenn og við viljum endurgreiða þeim fyrir hollustuna sem þeir sýna okkur. Við vorum niðurlægðir og það er ekki annað hægt en að koma á móts við okkar dyggu stuðningsmenn. Nú verðum við bara að taka þennan leik út af dagskránni, vera einbeittir á æfingunum í vikunni og mæta öflugir til leiks á laugardaginn,“ segir Melciot.
Til baka