Bandaríska leikkonan Marcia Cross, sem trúlega er þekktust fyrir að leika hina sérstöku Bree Van De Kamp í þáttunum um Aðþrengdar eiginkonur er að fara að ganga í það heilaga. Kaupsýslumaðurinn Tom Mahoney bað hennar um síðustu helgi, að því er Heidi Lopata Slan, fjölmiðlafulltrúi leikkonunnar greindi frá í dag. „Hið hamingjusama par hefur ekki ákveðið hvenær brúðkaupið fer fram,“ sagði Slan. Cross, sem er 43 ára, er tilnefnd til Emmy verðlaunanna fyrir leik sinn í Aðþrengdum eiginkonum, en verðlaunin verða afhent í næsta mánuði.