Stundaði stórfelldan fjárdrátt til að halda uppi 17 hjákonum

Japanskur dómstóll dæmdi 56 ára mann í 11 ára fangelsi fyrir stórfelldan fjárdrátt. Hann mun hafa dregið til sín mörg hundruð milljónir króna frá stórri brauðgerð til að greiða fyrir sinn dýra lífsstíl og uppihald 17 hjákvenna.

Masaaki Matsubayashi var einnig dæmdur til að greiða um 20 milljónir króna fyrir að svindla á heilsutryggingu Shikishima bankans í mörg ár.

Matsubayashi var hátt settur innan fyrirtækisins og varð þræll lúxuslífernisins og sveik út fé til að halda hjákonurnar.

Konan hans skildi við hann eftir 31 árs hjónaband daginn áður en hann var handtekinn í júlí í fyrra. Öldruð móðir hans sagði fréttamönnum að hún vildi ekki að hann flytti heim aftur. „Ætli hjákonurnar sjái ekki um hann,” sagði hún.

• Blogga um frétt