Brian Jonestown Massacre væntanleg til Íslands

Bandaríska rokkhljómsveitin the Brian Jonestown Massacre er væntaleg til Íslands og mun halda tónleika á Nasa, Austurvelli þann 29 nóvember næstkomandi. Hljómsveitirnar Singapore Sling og Jakobínarína sjá um upphitun. The Brian Jonestown Massacre (BJM) var stofnuð í San Fransisco árið 1990 en vakti fyrst alþjóðlega athygli í kjölfar heimildamyndarinnar DIG!, sem fékk verðlaun sem besta heimildarmyndin á Sundance kvikmyndahátíðinni árið 2004.

Fjöldi platna liggur eftir sveitina sem hefur haft innan raða sinna meira en 40 meðlimi í gegnum tíðina þ.á.m. nokkra sem seinna meir stofnuðu sveitirnar The Warlocks og Black Rebel Motorcycle Club

Sjálfur hefur Anton Newcombe, forsprakki sveitarinnar, nokkrum sinnum komið til Íslands í frí í boði meðlima Singapore Sling sem hafa spilað með BJM nokkrum sinnum í Bandaríkjunum og á tónleikaferðalagi um England síðastliðið vor.

Tónleikarnir á NASA verða jafnframt síðustu tónleikar BJM á ríflega mánaðarlöngum Evróputúr þeirra en einnig þeir fyrstu sem sveitin heldur á Íslandi.

Það eru 12 Tónar og Sheptone Records sem sjá um að flytja hljómsveitina til landsins og munu Singapore Sling og Jakobínarína sjá um upphitun á Nasa.

Tónleikarnir verða miðvikudaginn 29 nóvember. Forsala aðgöngumiða er hafin en miðaverð er kr.2500.-

www.brianjonestownmassacre.com
www.digthemovie.com

• Blogga um frétt