Bono, söngvari írsku rokksveitarinnar U2, gaf Shinzo Abe, forsætisráðherra Japans, Giorgio Armani sólgleraugu sem hann er sjálfur þekktur fyrir að bera á andlitinu. Abe og Bono áttu saman fund og eftir fundinn jós Bono lofi yfir Japan.
Fyrir um viku síðan lék Bono á ókeypis útirokktónleikum í Melbourne í Ástralíu á sama tíma og fjármálaráðherrar og seðlabankastjórar heimsins komu saman til fundar. Tilgangur tónleikanna var að krefjast þess að leiðtogarnir herði baráttuna gegn fátækt í heiminum.