Dularfullt málverk af Jesú hefur vakið mikla athygli í Tékklandi fyrir það að þegar staðið er upp við það virðast augu frelsarans lokuð en þegar horft er á það úr fjarlægð virðast þau opin. Málverkið er í sýningarsal Oldrichs nokkurs Klima í Pilsen og spyrja margir gestir hann að því hvort um lýsingarbrellu sé að ræða eða hvort þessi breyting sé af trúarlegum toga. Því fæst ekki svarað en sýningargestir koma margir aftur og aftur.
Einn sýningargesta gengur þó svo langt í listrýninni að fullyrða að málverkið sýni hið góða og hið illa, Guð og satan á víxl. Hvers og eins er að dæma um það.