Almenn miðasala á tónleika söngvarans Josh Groban, ásamt sinfóníuhljómsveit og Gospelkór Reykjavíkur, í Laugardalshöll þann 16. maí, hófst í morgun klukkan 10:00 og samkvæmt fréttatilkynningu tónleikahaldara seldust þeir 1.800 miðar sem í boði voru svo til samstundis eða á 4 mínútum. Vegna mikillar ásóknar var strax tilkynnt um aukatónleika þann 15. maí.
Miðasala á aukatónleikana hefst miðvikudaginn 4. apríl klukkan kl. 10:00 og sérstök forsala fyrir korthafa MasterCard verður daginn áður, þriðjudaginn 3. apríl.