Fjallað um fasteignakaup Jóns Ásgeirs í New York Times

Bandaríska stórblaðið fjallar í dag um fasteignakaup Jóns Ásgeirs Jóhannessonar og Ingibjargar Pálmadóttur á Manhattan í New York en blaðið New York Post hefur einnig fjallað um málið. NYT segir að íbúðin sem þau Jón Ásgeir og Ingibjörg hafi keypt við Gramercy Park sé ein sú dýrasta, sem seld hafi verið á Manhattan fyrir neðan 42. stræti en kaupverðið var yfir 24 milljónir dala, jafnvirði nærri 1,55 milljarða króna.

Blaðið segir að opinber skjöl sýni að Jón Ásgeir og Ingibjörg hafi í janúar greitt rúmlega 10 milljónir dala fyrir íbúð á 16. hæð í húsinu 50 Gramercy Park North, nýju fjölbýlishúsi. Þau Jón Ásgeir og Ingibjörg hafi verið svo ánægð með íbúðina og þjónustuna sem veitt er í byggingunni, að þau keyptu einnig þakhæðina fyrir ofan fyrir 14 milljónir dala. Þar af þurftu þau að greiða öðrum íbúðareiganda 4 milljónir dala fyrir forkaupsrétt sem hann átti að íbúðinni.

Samtals er um að ræða 650 fermetra á þremur hæðum auk verandar og tveggja stórra svala sem hvorar eru um 120 fermetrar að stærð.

NYT segir, að þótt álíka margir búi á Manhattan neðan Gramercy Park og á Íslandi muni Jón Ásgeir væntanlega kunna að meta kyrrðina í hverfinu, einkum í ljósi þeirra umbrota sem verið hafi í kringum hann á Íslandi undanfarin misseri.

Grein New York Times

• 6 blogg um fréttina

Bloggað um fréttina

• Hlynur Hallsson: Flott útsýni hjá Jónsa og Ingu á Manhattan
• Hafsteinn Viðar Ásgeirsson: Þó það nú væri.
• Halldór Sigurðsson: Góð Landkynning ?
• Sigfús Sigurþórsson.: Jón Ásgeir fékk sér íbúðar kytru fyrir 1.550 milljónir króna.
• Snorri Bergz: Hvað er rangt við þetta?
• Kolbrún Jónsdóttir: Þekkjast ekki allir Íslendingar í útlöndum?