Senda inn efni
Madonna er ýmsu von. Reuters
Madonna sökuð um að móðga guð
Bloggað um fréttina
-
Hildur Helga SigurðardóttirMadonna eflaust alveg í rusli
-
Andrés Helgi ValgarðssonDjöfull er þessi Guð hörundssár.
-
Margrét St HafsteinsdóttirÖrlítið um kaþólska (ó)siðapostula
-
Ásgrímur HartmannssonGóður...
-
Sigríður SigurðardóttirPapa don't preach....
-
Axel Jóhann HallgrímssonSaurug Madonna og dýrlingurinn Pinochet
-
Gissur ÖrnHvernig er hægt að móðga guð?
Uppátæki poppstjörnunnar Madonnu eru lostafull, blettur á mannkyninu og móðgun gagnvart drottni. Þetta sagði rómversk-kaþólskur kardínáli, sem er kominn á eftirlaun, við messu sem var haldin til minningar um fyrrum einræðisherra Chile, Augusto Pinochet.
Madonna, sem gjarnan er nefnd drottning poppsins, hélt nýverið tónleika í Santiago í Chile, en hún er nú á tónleikaferðalagi um heiminn, sem kallast Sticky and Sweat, til að fylgja eftir plötunni Hard Candy.
„Maður finnur fyrir mikilli spennu í loftinu í borginni okkar af því að þessi kona er að heimsækja okkur, og með ótrúlega skammarlegri hegðun vekur hún áhuga á fólks á villtan og lostafullan hátt,“ sagði kardínálinn Jorge Medina við söfnuðinn.
„Hugsanir um losta, saurugar hugsanir, saurugar athafnir eru móðgun við guð og óhreinn blettur á okkar hjarta,“ sagði Medina í prédikun sinni, sem hann hélt til að minnast þess að tvö ár eru liðin frá andláti Pinochet.
Medina er hins vegar langt frá því að vera óumdeildur maður. Margir íbúar Chile hafa mikla andúð á honum vegna þess hve náinn hann var Pinochet, sem lést 2006 áður en réttarhöld yfir honum gátu hafist. Fyrrum einræðisherrann er sagður bera ábyrgð á því að um 3.000 manns létust eða hurfu sporlaust á árunum 1973 til 1990.
Til baka