Einn virtasti leikstjóri heims, Milos Forman, mun kynna kvikmynd sína Gaukshreiðrið, One Flew Over the Cuckoo's Nest, á sérstakri viðhafnarsýningu Alþjóðlegrar kvikmyndahátíðar í Reykjavík (RIFF) á myndinni í stærsta sal Háskólabíós 23. september nk. kl. 20. Forman mun einnig svara spurningum áhorfenda að sýningu lokinni. Kvikmyndin er ein þriggja sem hlotið hafa öll fimm aðalverðlaun Óskarsverðlaunanna, árið 1976, fyrir bestu kvikmynd, besta aðalleikara og -leikkonu, besta leikstjóra og besta handrit.