Senda inn efni
Knattspyrnutryllitæki
Fyrirtækið Castrol hefur svipt hulunni af vél sem getur spyrnt fótbolta af miklum krafti, en hraðinn mælist yfir 200 km á klst. Fyrirtækið er eitt af styrktaraðilum heimsmeistaramótsins í knattspyrnu, sem fer fram í Suður-Afríku í sumar. Það kynnti sparkvélina í Japan.
Forsvarsmenn fyrirtækisins Castrol segir að knattspyrnusnillingurinn Christiano Ronaldo sé kominn með harða samkeppni, en skotin hjá Ronaldo mælast á um 130 km hraða.
Fyrrverandi landsliðsmaður Japana mætti á svæðið þegar vélin var kynnt. Hann gat náð um 100 km hraða. Vélin, sem kallast Ichi-Go, sparkaði knettinum tvöfalt hraðar.
Castrol mun sýna vélina vítt og breitt í Japan á þessu ári. Vélin er hins vegar það öflug að hún verður ekki notuð við knattspyrnuæfingar af öryggisástæðum.
Til baka